– Како што најавивме во текот на следните денови под влијание на студена воздушна маса од север, времето во Македонија ќе се задржи променливо облачно и студено со сончеви периоди и со слаб до умерен, а долж Повардарието повремено засилен ветер од северен правец. Услови за повремени локални слаби врнежи од снег ќе има за време на викендот. Минималните температури ќе се спуштаат во интервалот од -7 до 1 степени, додека максималните ќе се искачуваат во интервалот од 1 до 7 степени – вели нашиот метео прогнозер Славчо Попоски.
Во Скопје и околината во текот на следните денови времето ќе се задржи променливо облачно и студено со слаб до умерен, а повремено и засилен ветер од северен правец.
Според Попоски, наутро температурите ќе се спуштаат во интервалот помеѓу -1 и 1 степен, додека максималните ќе се искачуваат во интервалот помеѓу 4 и 7 степени.
Услови за слаби локални врнежи од дожд и од снег во скопскиот регион ќе има за време на викендот.
