ИСКРЕНО СО ЕЛЕНА И НЕНАД МАРКОСКИ: Зад емотивната приказна за лепчето без брашно стои борбата на едно детенце против леукемија

Пред повеќе од 10 години братчето на Елена се разболува од леукемија, па со тоа мајката на Елена започнува да изтражува многу на темата здрава исхрана и како да придонесе за неговото здравје. Така доаѓа и до овој рецепт за лепчето без брашно.

Лебот не е храна, лебот е лек. Борбата со леукемијата ја започна и приказната за „Лебот на мама“. А за неа ни раскажуваат Елена и Ненад Маркоски, кои се денес наши соговорници.

Како започна приказната за Лебот на мама?

– „Лебот на мама“ има една, би кажале, емотивна приказна и причина за почеток. Самото име всушност ја покажува важноста на секоја една мајка во нашите животи, нивните прекрасни рецепти и посветеноста за секој еден од нас. Во нашата приказна тоа е мајката на Елена од каде всушност и потекнува рецептот за лепчето. Пред повеќе од 10 години братчето на Елена се разболува од леукемија, па со тоа мајката на Елена започнува да изтражува многу на темата здрава исхрана и како да придонесе за неговото здравје. Така доаѓа и до овој рецепт за лепчето без брашно.  По неговата трагична смрт, после неколку години, одлучуваме ова лепче да се најде на трпезата и на сите вас со цел да придонесеме за стекнување на здрави навики.

Зошто е карактеристичен и специфичен Лебот на мама?

– Лебот на мама е домашно лепче без брашно, без никакви адитиви и додатоци направено од цело изртено зрно на пченица. Во составот, покрај пченицата како главна основа, има и јачменови снегулки, сусам, сончоглед, ленено семе, црно семе.

Како се чува лебот?

– Бидејќи лепчето нема адитиви во себе, истото е потребно да се чува во фрижидер.

Тука се и намазите како дополнување на Лебот на мама….

– Покрај Лебот на мама, подготвуваме и здрави хумус намази, без додатоци и адитиви. Моментално имаме класичен хумус, пикантен хумус, хумус со цвекло и намаз од црвена леќа. Важно е да напоменеме дека при подготовка не користиме конзервирани производи како што е конзервиран наут или цвекло. Кај нас буквално сè се подготвува свежо.

Како можат да ве најдат и да нарачаат производите?

– Достапни сме на двете социјални мрежи Facebook и Instagram каде слободно луѓето можат да не исконтактираат преку порака. Дополнително тука е и нашата веб страна www.lebotnamama.mk од каде примарно ни пристигнуваат нарачките и финално достапни сме и на телефонскиот број 070-277713.

За крај, зошто треба да внимаваме што јадеме?

– Многу е важно што конзумираме бидејќи храната колку што може да биде лек исто толку може да биде и причинител за многу болести и здравствени потешкотии кај луѓето. Среќни сме што до сега имаме добиено многу позитивни искуства од наши клиенти кои успеале да ја регулаат прекумерната тежина, дијабетесот како и проблемите со варење на храната. Тоа всушност и ни дава дополнителен мотив за работа. Треба да сме благодарни што живееме во поднебје каде успеваат најразлични зеленчуци и овошја и истите треба паметно да ги искористиме. Секако, во комбинација со нашите производи (се смее, н.з).

ФОТОГРАФИИ – Приватна архива

Слични објави

БИЛИ АЈЛИШ ОТКРИВА: Луѓето се плашат од големи гради, изгубив многу следбеници поради нив

Еспресо

СЛАВЧО ПОПОСКИ ПРОГНОЗИРА: Драстични промени, доаѓа вистинско лето!

Ј.К.Д

ПРИРОДЕН РЕЦЕПТ: Мед и лук за подобар имунитет

Еспресо

ИСТРАЖУВАЊЕ: Луѓето кои јадат повеќе млечни масти имаат помал ризик од срцеви заболувања

И. Т.

ДНЕВЕН ХОРОСКОП ЗА 24 СЕПТЕМВРИ: Некои разговори можат да придвижат нови интереси

И. Т.

Кој е индискиот гуру Моханџи чии следбеници се Новак Ѓоковиќ и неговата сопруга Јелена

И. Т.
Се вчитува....