Денес разговараме со госпоѓа Нора Ташуровска, Македонка која во Италија живее веќе цели 19 години, во непосредна близина на градот Тревизо, во близина на Венеција.
53-годишната Нора е, инаку, од струмичкото село Моноспитово. Моментално е домаќинка, се грижи за внуците, но исто така и за цвеќињата во нејзиниот прекрасен, раскошен двор. Вели дека цвеќиња отсекогаш имала во дворовите, без разлика на тоа каде живеела.
За уредувањето на дворот, на овој како и на сите другиТЕ во минатото, секогаш се грижела таа самата.
– Дворчето не е многу големо, но доволно за да се има во него убави цвеќиња, ни вели нашата цветна дама.
Нора е среќна што поради благата италијанска клима, без остри зими, може да одгледува секакви видови цвеќе.
Ја прашуваме, колку време дневно му посветува на дворчето, а таа ни одговара:
– Искрено, не го мерам времето, но секоја слободна минута минувам со цвеќето.
– Сакајте ги цвеќињата, тоа е чувство на внатрешна духовна убавина, барем за мене и сигурно за многу други, ни открива таа.
Инаку, госпоѓа Нора Ташуровска е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО – ПРИВАТНА АРХИВА
