Уживање во морското крајбрежје, целодневниот есенски дожд и… нешто малку поинакво. Вчеравечер жителите на Риека беа дел од посебен настан – вечер за искусување македонски специјалитети, во режија на Мими Делов, Македонка чија адреса сега се води под кодот на Риека.
Вечерта ја збогатија членовите на Македонското културно друштво „Илинден“ од Риека, кои беа облечени во традиционални македонски носии, и ги пречекуваа гостите на влезот со мастика и жолта ракоја, како пијалок за добредојде.
Менаџерот на ресторанот „Nautica“, Данко Боровина, не го криеше воодушевувањето од одличниот одзив на гостите.
„Иако сме познати по нашето рибно мени, решивме да излеземе од рамките на нашата морска кујна. Во соработка со нашиот долгогодишен пријател Миме Делов, ги угостивме љубителите на македонската гастрономија за да уживаат во нејзините деликатеси. Со оглед на големиот интерес, верувам дека овој настан наскоро ќе се повтори“, изјави Данко Боровина
