Обожавателите на Елена Ристеска во петокот имаа можност да уживаат на нејзиниот концерт во еден скопски ноќен клуб, каде по подолго време настапи во живо.
Таа ги испеа своите најголеми хитови, кои ја одбележаа нејзината дводецениска кариера, и на публиката ѝ приреди одлична забава.
„Прекрасна и емотивна вечер. Ви благодарам за преубавата атмосфера. До следниот пат…“, напиша таа на својот инстаграм-профил, споделувајќи ги своите впечатоци од настапот.
Ристеска важи за една од најубавите жени на македонската естрада, која и ден-денес восхитува со својата совршена појава.
Стилистката Теа Клинчарова се погрижи за нејзиниот изглед – кратко и светкаво фустанче, искомбинирано со црни високи потпетици.
Што се однесува до шминката и фризурата, за нив се погрижи нејзиниот долгогодишен соработник Даниел Николовски.
(Фото) Елена Ристеска: Си поминав грандиозно во Сараево, но ми фалеше Давор
