Често се случува да вежбаме, а резултатите да не се гледаат, но и да не губиме на тежина. Иако можеме да очекуваме многу ползи од вежбањето (повеќе енергија, подобрено расположение, подобро здравје), загубата на вишокот килограми секако нема да ни излезе од умот.
Што да се прави?
Искусните фитнес тренери во ваков случај препорачуваат да се промени терминот на вежбање. Наместо после работа, да се оди на тренинг пред работа или пак, да се вежба на празен желудник рано наутро.
Кардио тренингот со висок интензитет на празен желудник гарантира побрзо трошење на масните наслаги.
Втора работа што треба да се направи е да се внимава на исхраната. Ако целта е да се загубат килограмите, а не ги губите, се препорачува друг вид на диета, сосема поразлична од онаа која имате обичај да ја држите.
Најдобро делуваат диетите со поголема количина на добри масти, но сиромашни со јагленохидрати. Ваквата диета го става телото во состојба на кетоза, добивате повеќе енергија, а самото тело побрзо ги троши масните наслаги.
