Шведскиот рапер Нинос Хури, попознат како Габоро, трагично го загуби животот во пукање што се случи во четвртокот вечерта на паркинг, објавија локалните медиуми. На социјалните мрежи се појави шокантно видео кое, како што се наведува, ги прикажува моментите на убиството.
На видеото се гледа како мажот се обидува да побегне од вооружениот напаѓач, кој испука најмалку шест куршуми кон него. Во еден момент жртвата паѓа на земја, додека напаѓачот продолжува да пука. Иако полицијата сè уште не ја потврдила автентичноста на видеото, тој е дел од нивната истрага.
Swedish rapper Gaboro, real name Ninos Khouri, was fatally shot in a Norrköping car park last night.
Disturbing footage of the 24-year-old’s execution, reportedly filmed by the gunman, is circulating online. No arrests have been made.#Gaboro #Sweden pic.twitter.com/WcICzyJOnX
— British Pakistani Index (@PakistaniIndex) December 20, 2024
Инцидентот се случил во Норчепинг, град југозападно од Стокхолм.
Во соопштението објавено во петокот, полицијата потврди дека го истражува убиството на млад човек на 20-годишна возраст, кој им подлегна на повредите здобиени во пукање пред паркинг на гаража.
Шведската полиција апелира за сведоци и бара информации за сребрен караван којшто би можел да биде поврзан со случајот.
Голем број музичари и обожаватели се простија од Хури преку социјалните мрежи, додека полицијата продолжува со интензивната истрага за случајот.
