Во нашата држава денеска се одржуваат десеттите по ред парламентарни избори, односно петти предвремени избори.
Екипата на „Слободен печат“ го посети основното училиште „Ѓорѓија Пулевски“, кое се наоѓа во Општина Аеродром, каде гласањето се одвива тековно, а сите ги почитуваат протоколите за заштита при гласањето од вирусот Ковид-19.
На влезните врати каде што има податоци каде треба граѓаните да го пронајдат своето име и презиме со цел да го остварат своето право на глас се создаваат гужви, бидејќи нема редари кои треба да ја регулираат дистанцата на граѓаните.
Но, во самите простории има полициски службеници кои набљудуваат дали се почитуваат мерките за социјална дистанца, како и тоа дали граѓаните гласаат со заштитна опрема.
Ги прашавме граѓаните како се одвива гласањето, односно дали сметаат дека е безбедно да се гласа во услови на пандемија.
Повеќето од нив ни рекоа дека се задоволни од самиот процес и дека се чувствуваат безбедни за гласањето.
The post Со заштитни маски и гужви пред избирачките места се одвива гласачкиот процес (ВИДЕО+ГАЛЕРИЈА) appeared first on Слободен печат.
Со заштитни маски и гужви пред избирачките места се одвива гласачкиот процес (ВИДЕО+ГАЛЕРИЈА) was first posted on јули 15, 2020 at 2:48 pm.
