Анастасија Ражнатовиќ сподели фотографии од Севилја и предизвика лавина од реакции на социјалните мрежи со својот природен изглед. Младата пејачка позираше во опуштено издание, во панталони и цветна лесна маичка со дискретно деколте украсено со панделка.
Она што најмногу ги воодушеви нејзините следбеници е фактот што Анастасија немаше шминка, покажувајќи го својот беспрекорен тен.
Целиот изглед го надополни со дискретна златна огрлица и нараквица. На ова нејзино издание не остана имун ниту нејзиниот сопруг, фудбалерот Немања Гудељ, кој веднаш искоментира со емотикони во форма на срце и бубамара.
„Благословена сум што те имам“
Покрај фотографиите на кои е сама, Анастасија сподели и емотивна објава посветена на својот партнер, со која уште еднаш потврди колку и значи нивната љубов.
„Сакај ги оние што тебе со гордост те сакаат, почитуваат и ценат. Толку сум благословена што те имам во мојот живот“, напиша Анастасија со емотикони на срце и молитва.
Оваа објава е само уште една потврда за хармоничниот живот на славната двојка во Шпанија, каде Анастасија секојдневно ужива во сончевите денови и поддршката од својот сопруг.
