Пејачката Аделина Тахири го прослави својот 35. роденден со стилска и внимателно осмислена забава, која иако организирана со мало задоцнување, како што самата посочи – вредела секоја минута чекање.
Прославата се одржа во елегантно уреден амбиент во доминантна бела боја, со маси украсени со кали и свеќи, што создаде префинета и речиси бајковита атмосфера.
Наместо класична роденденска торта, Тахири избра поинаков концепт – тирамису сервирано во чаши за шампањ, на кои дуваше свеќички, додавајќи модерен и визуелно впечатлив момент на прославата.
View this post on Instagram
Менито било внимателно избрано и претежно базирано на морски специјалитети, додека деталите од вечерта укажуваат на луксузен, но интимен карактер на настанот.
Славеничката се појави во мини бел фустан со цветни апликации, а откри дека меѓу подароците добила и чанта од брендот Hermès.
Во опуштена и весела атмосфера, таа уживала во музика и дружење со најблиските, пеела и танцувала, а во еден момент се качила и на стол, дополнително подигнувајќи ја енергијата на вечерта додека им служела пијалаци на гостите.
„Прекул за да бројам свеќи“, напиша Тахири на социјалните мрежи, сумирајќи ја роденденската вечер во свој стил.
