Фудбалерите на Реал Мадрид го освоија шпанскиот Суперкуп, откако на теренот во Саудиска Арабија го совладаа Атлетико Мадрид после пенал серијата. После 90 минути игра немаше голови, а ги немаше ниту во продолженија, па победникот го дознавме после ударите од белата точка.
Клучна улога во освојувањето на трофејот за Реал, одигра Федерико Валверде, кој беше исклучен во 115. минута.
Мората ја прими топката 30 метри од голот на „кралевите“, тргна кон целта, а пред самиот шеснаесетник од зад грб беше фаулиран од Валверде кој заработи црвен картон.
Во пенал серијата Реал започна со погодокот на Карвахал, а првите две пенали на „јорганџиите“ не ги реализираа Саул и Томас.
Прецизни за тимот од „Сантјаго Бернабеу“ беа Родриго, Модриќ и Серхио Рамос, по што следуваше и славјето на фудбалерите на тренерот Зинедин Зидан. Сега Реал Мадрид има вкупно 11 титули во ова натпреварување, сега само два помалку од водечката Барселона.
The post Реал се закити со трофејот во шпанскиот Суперкуп! (ВИДЕО) appeared first on Слободен печат.
