24.8 C
Скопје
16:31 - 29 март, 2024

Османи: Некој заради неодговорноста своја да го загрози лебот на некој друг е недозволиво, избори најрано што може (ВИДЕО)

Она што се случи вчера во Струга е разочарувачки. Се она што се обидувавме, што вложувавме огромни напори, вчера во Струга се сруши. Имаше пропусти во многу нивоа. Организациски пред се. Не сакам да зборам низ призма на религија или вера, бидејќи тоа е сензитивно прашање. Вчера вриеше на социјалните мрежи, со прашања зошто едни верски заедници да ги затвораат светите храмови, а други не, истакна во интервју за Слободна ТВ, вицепремиерот Бујар Османи.

Според него, состојбата во Струга била под контрола, но она што се случи вчера серизно може да ја влоши ситуацијата. Мора да се каже дека дури 20% заболените во Струшко, беа со смртни последици, што е запрепастувачко, нагласи Османи.

– Имаме законски уредби, како дистанца, носење маски, така што има многу елементи на кршење закони каде не е важно дали се работи за верски заедници или граѓански собири – додате вицепремиерот.

Ако се зголеми бројот на заразени од Ковид-19, повторно во сила ќе стапат тврдите мерки.

– Вчера имав подолг разговор со здравствените работници. Параметар или услов за олеснување на рестриктивните мерки е ако 14 дена имате помалку од 5% нови случаи од бројот на тестирани. Ние 13 дена имаме 4,5%, вчера 14 ден имавме 10%. Затоа денеска ќе треба да видиме кој е бројот, доколку е повторно под 5% од тестираните, вчера било некој инцидент, но доколку е повеќе ни се пореметува тој критериум. Но врз основа на тие 13 денеска го отвараме вториот пакет за олеснување на мерки – втората фаза на отварање на бизнисите, во кој што Комисијата за заразни болети има предвидено точни протоколи на постапување за да се почне со работа. Тука се моловите, рестораните, јавниот превоз. Значи денес или утре ќе се одлучи дали се влегува во втората фаза, вели Османи.

Јас пред некој ден реков дека треба да се намалат тврдите мерки, но за тоа е клучно дали граѓаните ќе ни се приклучат кон тоа. Ако не, ќе се зголеми бројот на заразените и ќе се вратиме кон тврдите мерки. Карантинот влијае на бизнисите, и сега некој заради својата неодговорност да го загрози „лебот“, да ја загрози економијата е стварно недозволиво, додаде Османи.

ПРЕГОВОРИТЕ И МОЖНАТА БЛОКАДА ОД БУГАРИЈА

– Пандемијата смени се. Најпрво роковите за сите прашање во светот. Сега се е флексибилно, сменет е и начинот на функционирање, сменети се и приоритетите. Но и покрај сето ова, ЕУ покажа дека знае и може да донесе одлуки и во тешки случаи. Јас бев скептик дека во март, во услови кога во Итали и Шпанија вриеше состојбата, дека ќе се соберат 27 земји членки и ќе кажат „Да“, Република Северна Македонија може да почне преговори. Но тоа го направија, не окуражија, но и покажаа дека може да се функционира и покрај скептицизмот кон Унијата, изјави Османи.

Османи во однос на преговарачката рамка, која се очекува да биде презентирана од страна на Европската комисија на почетокот на јуни, потенцираше дека таа се смета за најважен документ и треба внимателно посветување на утврдените позиции на земјите членки, како и усогласување на истите со нашата земја со цел во иднина да имаме лесен и непречен тек на преговорите.

– Во периодот што ни претстои треба посветено да продолжиме да работиме и лобираме, со цел преговарачката рамка да биде поволна за сите, бидејќи во моментот кога истата ќе биде усогласена веќе нема простор за менување на правилата – додаде Османи.

Секоја земја членка има право на свој став, како што имаме ние право на свој став, и да објаснам дека ние сме свесни дека правилата на игра во ЕУ се такви, нагласи Османи.

Тој посочи дека секоја земја членка може да ги стопира или блокира преговорите, но оти треба мудро да се однесуваме за да најдеме начин да ги надминеме.

Бугарија беше една од тие што гласаше за започнување на преговори со ЕУ. Доколку сакаше да го попречи овој процес можеше да го блокира во март бидејќи без согласност на Бугарија ние немаше да добиеме одлука за започнување на преговори. Фактот што дава поддршка, но во записникот остава една забелешка, само кажува дека има едно прашање кое треба да се реши, меѓутоа Бугарија не планира да го блокира процесот бидејќи можеше да го блокира во одлуката. Со едно „не“ на самитот во март Бугарија можеше да ја спречи одлуката за започнување на преговори

– Дел од забелешката на Бугарија на Самитот во март беше едностран акт што беше вметнат во записникот како мислење на една земја членка, но не и во Заклучоците кои го претставуваат мислењето на сите земји членки. Туку, едноставно, во записникот беше забележано дека една земја членка има реагирано по однос на ова прашање и ги има ставено овие забелешки. Што значи дека во Заклучоците од самите во март нема став на целата ЕУ по однос на ова прашање. Меѓутоа, се разбира дека ние сме го потпишале Договорот за добрососедство во Бугарија и ние имаме обврска да го исполниме тој договор вклучувајќи и позитивни резултати од комисиите што расправаат за историските теми, рече Османи.

ИЗБОРИ 2020

Ставот на здравствените работници е доколку има избори во овој период граѓаните ќе треба да одат во маски, ракавици, да се менуваат пенкалата, два метри дистанца помеѓу членовите на избирачкиот одбор. Но, нас ни е најважно епидемиолозите да ни кажат дали било каков процес ќе го загрози здравјето на граѓаните. Се губи смислата доколку еден граѓанин се зарази заради тоа што политичките партии организираат избори, смета Османи.

– Второ, ОБСЕ и ОДИХР да кажат дека можат да дојдат да ги следат изборите. Доколку ова се исполни мислам дека е што побрзо тогаш подобро да имаме избори. Ова е ситуација кога и економски и правно сме отежнати, владата функционира како техничка, немаме собрание… Мојот став е – избори најрано што може, но кога Комисијата ќе каже дека нема да се загрози ниту еден човечки живот – изјави за Утрински брифинг, вицепремиерот за евроинтеграции.

The post Османи: Некој заради неодговорноста своја да го загрози лебот на некој друг е недозволиво, избори најрано што може (ВИДЕО) appeared first on Слободен печат.

Слични објави

Франција ја забрани продажбата на Ајфон 12, поради преголемо зрачење

Еспресо

Небото ќе го осветли Нишимура, феномен кој се случува еднаш на 435 години: Вечерва поминува кај нас

Еспресо

(Видео) По слетувањето на Месечината, Индија лансираше ракета за проучување на Сонцето

Еспресо

(Видео) Само 24 пилоти имаат дозвола да слетаат на аеродромот во Бутан

Еспресо

„Зум“ ги враќа своите вработени назад во канцеларија

Еспресо

Среќник од Германија доби 10 милиони евра на „Евроџекпот“

Еспресо
Се вчитува....