Емотивна приказна во која секоја жена ќе се пронајде раскажа Марија Лозаноска, писателка, уметник, лектор и наставник по македонски јазик, сестра на пејачот Влатко Лозаноски-Лозано.
-Ете, драга моја, пак ја правиш руската. И лани, исто. И кифличките и пијалакот и мезињата. Оти си домаќинка, оти доаѓа Нова, оти се собрало друштво, оти мора. А, ќе ти се спие, драга моја, многу ќе ти се спие.
Од животецот, од работата, од смените, од децата. Најмногу од неисполнетите желби во старата.
Оти, за оваа година лани си посака дека поинаку ќе ја чекаш. Со поинакво друштво, на различно место, без руска.
Си велеше дека имаш цела година тоа го промениш. Но, не. Ете си, пак го бараш рецептот за руската.
Ама ако, спомни си дека имаш со кого да ја поделиш. Руска не се јаде сам. Ќе се одмориш на први.
И ќе си спомнеш дека си жива и здрава. И твоите. А, в година кажи дека немаш рецепт за руска.
Нека направат тие. И спомни си дека нема ништо лошо во руската. Имаш цела година да го сфатиш тоа- напиша Лозаноска на Фејсбук.
