Пејачката Драгана Мирковиќ стана баба!
Нејзиниот син Марко и снаата Мелани добија ќеркичка, а гордите родители ѝ го дадоа името Ксенија.
Породувањето било извршено со царски рез во познатата виенска клиника AKH, а сè поминало во најдобар ред. Мајката Мелани се чувствува одлично, а малата Ксенија добила највисоки оценки на раѓање.
Извори блиски до семејството откриваат дека Драгана е пресреќна, но одлучила овој посебен ден да го помине во тишина – се повлекла од јавноста, ги исклучила телефоните и се посветила целосно на семејството.
View this post on Instagram
Значењето на името Ксенија
Името Ксенија спаѓа во групата на стари христијански и календарски имиња кои повторно ја враќаат својата популарност. Потекнува од латинскиот збор xenia или старогрчкиот euxene, што значи гостопримлива, љубезна и топла личност.
Да потсетиме, Драгана Мирковиќ повеќепати изјавуваше дека со нетрпение го очекува моментот кога ќе стане баба, велејќи дека тоа ќе биде „најубавата улога во животот, затоа што тогаш се сака без интерес и без мерка“.
„Замислувам како ќе изгледа тој момент и чувствувам дека ќе биде нешто посебно, нешто што срцето одамна го посакува,“ изјави таа порано — а денес таа желба ѝ се исполни.
