-Продолжува периодот на променливо облачно време со сончеви периоди. Локално ќе има и позначителна облачност, а особено во четврток и тоа во западните предели ќе има услови за слаб локален дожд. Ќе дува слаб до умерен ветер од јужен и од југоисточен правец, додека во четврток попладне и навечер, како и во петок и тоа особено долж Повардарието ќе дува умерен до засилен ветер од северен правец. Наутро и понатаму ќе биде релативно студено, и минималните температури понекаде ќе се спуштат до околу -3 степени, додека максималните ќе се искачуваат во интервалот од 9 до 17 степени, вели нашиот метео прогнозер Славчо Попоски.
И во Скопскиот регион во следните денови времето ќе се задржи променливо облачно со сончеви периоди. Ќе дува слаб до умерен ветер од југоисточен правец, додека во четврток попладне и навечер, како и во петок ветерот ќе го промени својот правец во северен, и истиот ќе биде со умерен до засилен интензитет. Максималните температури ќе се искачуваат во интервалот помеѓу 12 и 14 степени.
