– Во останатиот дел од викендов времето во Македонија ќе се задржи стабилно, суво и сончево време со мала до умерена локална облачност. Ќе дува слаб до умерен ветер од северен и од северозападен правец. Температурите ќе бидат значително натпросечни за овој период од годината и максималните дневни ќе се искачуваат во интервалот од 10 до 17 степени- вели метео прогнозерот Славчо Попоски.
Во Скопје и околината во останатиот дел од викендов, односно утре ќе се задржи стабилно и суво време, поточно сончево со мала локална облачност. Ќе дува слаб ветер од северен правец, додека температурата ќе се искачи до околу 14 степени.
Според Попоски, во почетокот од следната недела времето ќе се задржи стабилно, суво и сончево со мала до умерена локална облачност. Ќе дува слаб до умерен ветер, и тоа во западните предели од југозападен, додека во останатите предели претно од северозападен правец. Температурите остануваат натпросечно високи и максималните температури ќе се искачуваат во интервалот од 10 до 16 степени.
Барем отсега гледано за Бадник и Божиќ исто така се очекува претежно стабилно, суво и не многу студено време. Сепак детални и по потреба обновени анализи околу ова следуваат понатаму во текот на следните денови.
