Стефан Живојиновиќ, синот на Лепа Брена, веќе четири месеци е во љубовна врска со Бојана Родиќ, инаку сестра на Богдана Родиќ, која пред две недели се омажи за Вељко Ражнатовиќ.
– Се запознаа минатата зима на Копаоник. Прва Бојана „фрли“ око на Стефан и го направи првиот чекор. Тогаш разменија броеви и почнаа да се допишуваат, а тоа траеше долго. Дури летово се договорија да се видат и од тогаш се заедно – кажал извор близок на Стефан и Бојана.
– Бојана поради Стефан сè повеќе времето го поминува во Белград, но таа не го запоставила семејниот бизнис, па често со комбето разнесува пилиња од Тител до пазарот во Борча. Тоа на Стефан му е доста симпатично – изјавил истиот извор.
Инаку Стефан добил покана за свадбата на Вељко и Богдана која беше на 24 ноември и тогаш наводно требало со Бојана да се појави на таа прослава, меѓутоа, тој бил во Америка и не можел да присуствува.
– Стефан е во одлични односи со Вељко и Анастасија, чии песни јавно повеќепати ги пофалил. Вељко го покани на свадба, но тој беше во Америка. Бојана цело време од свадбата му испраќаше видеа, дури му кажал дека некои другари на Вељко се обиделе да ја освојат. Двајцата се смееле на тоа, бидејќи се сигурни во својата љубов. Покрај тоа, и Стефан честопати го „стартуваат“ девојки на настапите, па Бојана не му прави љубоморни сцени – кажал изворот.
Мајката на Бојана наводно не сакала да ги коментира приказните дека нејзината ќерка е во љубов со Стефан.
– Не можам ништо да ви кажам за тоа. Забрането ми е да давам какви било изјави, не сакам ниту да потврдам, ниту да демантирам – кажала Данијела Родиќ.
