Само еден клучен збор ги преполни социјалните мрежи ноќта на 8 јануари: Делтакрон. Новиот тип на ковид-19 ги комбинира варијантите Делта и Омикрон и има регистрирано најмалку 25 случаи. Сепак, она што го знаеме е многу малку.
Што знаеме за Делтакрон?
Очигледно знаеме дека според кипарските истражувачи има коинфекции помеѓу Делта и Омикрон и се појавил нов сој што треба да претставува комбинација од двете варијанти.
Според регистрираните 25 случаи, ризикот за пренос е за 60% поголем од претходната варијанта Алфа. Исто така вирусот е повирулентен, со до 2,6 пати поголем ризик од хоспитализација од Алфа. Вообичаени симптоми вклучуваат стомачна болка, гадење, повраќање, главоболка, малаксаност, треска, губење на апетит и болки во зглобовите.
И тоа е сè што знаеме, повеќе информации за новата варијанта Делтакрон се очекуваат од следната недела.
Што не знаеме за Делтакрон?
Во природата на вирусот е да мутира. Мутацијата не е само механизам за преживување, тоа е она што се случува кога еден организам роден за да се размножува го почитува својот биолошки императив. Фотокопирајте лист хартија повеќе пати, а штом ќе стигнете до последната копија таа ќе биде бледа, размачкана и слабо видлива.
Делтакрон буди тревога, но се уште само на социјалните мрежи. На пример, не знаеме колку и дали Делтакрон е позаразен од Делта и Омикрон. Знаеме дека статистички од 25 случаи е утврдена поголема зачестеност кај веќе хоспитализираните случаи. Но, сепак тоа е статистички на мал примерок од 25 случаи.
Не знаеме дали Делтакрон ќе се прошири или, како што се случи со Омикрон во споредба со „Делта“, дали ќе ја потисне варијантата Омикрон, која во моментот несомнено има најголема заразност.
Според вирологот Том Пикок, голема можност е Делтакронот да се појавил како случај на контаминација, каде што голем број случаи на Омикрон биле тестирани со контаминирана опрема од претходниот случај на Делта.
И ова е можна хипотеза, но и таа се уште не е поткрепена со докази, кои се очекуваат следната недела.
Значи, во моментов не знаеме многу за Делтакрон. Што прави, како еволуира, дали предизвикува симптоми супериорни во однос на Делта. Се за сега се се базира само на хипотези.
