Лидија Панг покажа дека треба да се излезе од шаблонот и да се остане доследен на својот вкус и на желбите.
Таа е модна дизајнерка, чија љубов кон црната боја е толку голема што решила и судбоносното „да“ да го изговори во венчаница со црна боја.
Никој од гостите не го очекувал тоа, па сите занемеле кога се појавила во елегантна црна венчаница.
Церемонијата на венчавањето е одржана на поле во Велс, а централен дел од декорацијата било старо стебло околу кое бил поставен целиот декор и столиците за гостите.
Целата декорација и изборот на музиката исто така бил по малку мрачен. Доминирале црни и бордо детали, а сè било во готик и панк стил.
Лидија била доволно храбра да го спои панкот и гламурот и да креира елегантен фустан за кој денес многумина зборуваат.
За венчаницата била задолжена лондонската дизајнерка Кајти Робертс Вуд, чиј основен стил на креирање се препознава во бајковитиот пристап кон ткаенината, а заштитен печат на нејзиниот дизајн се карнерите и сè она што со нив може да се постигне во најфантастични форми.
Затоа не зачудува што токму карнерите играле главна улога во изработката на венчаницата на Лидија Панг.
