Татко му на Борко Ристовски несреќно загинал кога тој бил многу млад и оваа тага го следи цел живот.
Поранешниот ракометар и репрезентативец Борко Ристовски, сегашен министер за спорт гостуваше во емисијата „Животна приказна“ на Македонската телевизија.
Ристовски, кој претходно го викаа министер за одбрана на шега, раскажа за неговата најголема животна препрека, загубата на татко му кога бил многу млад.
-Најголема животна препрека ми е губењето на мојот родител, мојот татко кој загина во сообраќајна несреќа на мои 19 години, тоа е нешто кое што ми остана како белег.
Беше многу тешко. Во моментот бев во Македонија, но имав веќе потпишано договор да настапувам за странство, и после една годиа од играњето во Шпанија, го раскинав договорот, се вратив во Македонија, и после две години повторно заминав.
Така што тоа е некоја препрека којашто е животна, која межби ми била најтешка“, рече Ристовски во видеото кое е објавено на Инстаграм профилот на „Животна приказна“.
Инаку, на почетокот од 2023-та Борко Ристовски и неговата сопруга Нина, го добија своето второ дете, ќерката Анастасија. Ќерката се роди пет години по нивниот син Душан.
