Српската пејачка Каја Остојиќ не крие колку ужива во љубовта со сопругот Милош Чујовиќ, а сега покажала и гест со кој тој ѝ приредил посебно изненадување.
Пејачката, која зад себе има три брака, е во брак со Милош Чујовиќ, со кого, како што постојано изјавува, ужива во хармоничен однос.
Каја сега се огласила на социјалната мрежа Инстаграм и покажала дека нејзиниот сопруг го истетовирал нејзиниот лик на раката. Таа ја сподели фотографијата од тетоважата со своите следбеници, а со објавата напиша и емотивна порака.
„Твоето срце е рај од соништата“, напишала Каја во описот, заедно со емотикони во форма на бесконечност и срце.
Милош, инаку, ретко се појавува во јавност, бидејќи не сака претерано да се експонира. Каја претходно зборуваше за нивниот однос и откри дека нејзиниот сопруг води мошне повлечен живот.
„Мојот сопруг не сака да излегува и ние имаме неколку места каде што одиме заедно, тој своето движење го ограничи на неколку места. Постои одредена доза на љубомора од двете страни штом има љубов, но ние имаме милијарда проценти доверба еден во друг и тој го знае секој мој чекор“, изјави неодамна Каја.
Судејќи според фотографијата што ја објави сега, Милош на овој начин одлучил да покаже колку му значи сопругата.
.
