Босна и Херцеговина нема настапено на Изборот за песна Евровизија од 2016 година. Во тоа време таа настапи со песната „Љубов“ на Далал, Дин , Ана Руцнер и Џала , но тие не се пласираа во финалето.
Пред тоа, Босна и Херцеговина учествуваше на натпреварот во 2012 година. Во една прилика, шефот на Одделот за меѓународни односи на БХРТ и последниот шеф на делегацијата на БиХ, Лејла А. Бабовиќ, ги објасни причините за отсуството на земјата од Евровизија.
„Јавните служби беа под санкции на Европската радиодифузна унија (ЕБУ) во последните неколку години“, објаснува таа за „Дневни аваз“.
„Вториот фактор е што со ваквото финансирање на јавните услуги немаме можност да одвоиме средства за учество на Евровизија. Со минималниот број учесници и сите останати на минимум, трошоците повторно се превисоки“ – истакнала Бабовиќ
Тоа се огромни пари за нас во моментов. И не постои законски регулиран начин на наплата на данокот на РТВ, кој би бил доволен извор на средства за финансирање на сите функции на јавниот сервис, меѓу другото и за Евровизија.
„Дури и ЕБУ беше подготвена да ни даде зелено светло, под одредени услови, доколку се платат некои долгови, но сега тоа е толку илузорно кај нас“, додаде таа.
Тамошните медиуми претходно пишуваа дека долговите кон ЕБУ изнесуваат шест милиони швајцарски франци, па затоа европската организација ја тужела БХРТ.
