Во семејството Шербеџија деновиве владее посебна радост, бидејќи внукот на прочуениот актер Раде Шербеџија, Сергеј, наполни 18 години. Јавноста не престанува да зборува за тоа во каков убавец израсна, а многумина истакнуваат дека го наследил шармот од својот татко.
Раде Шербеџија е горд дедо на седум внуци. Иван, Павле и Кала се деца на неговиот син Данило, додека ќерката Луција ги има синот Сергеј и ќерката Анастасија – Настја. Од ќерката Нина го има внукот Горјан Дана, а од Вања, која живее во Лондон, ја има внуката Мара Ленка.
Сергеј неодамна стана полнолетен, а по тој повод неговата мајка Луција се огласи на Инстаграм со емотивна порака:
„Ова момче, најпрекрасно на светот, денес е полнолетно. Уф, горда сум до вселената.“
инаки, Луција Шербеџија синот го доби во бракот со поранешниот сопруг, режисерот Филип Гајиќ, на кого Сергеј и физички наликува. Гајиќ во јавноста важи за фатален маж, на кого многу познати дами не останале рамнодушни, а со актерка која е 23 години помлада од него има добиено дете.
Од фудбал до музика и глума
Во детството Сергеј тренирал фудбал, но подоцна се свртел кон музиката.
„Ја откри мојата гитара и го наговори дедо му да го запише на Рок академија. Сега свири од утро до мрак. Се шегуваме дека имаме свој Боб Дилан. Освен тоа, се запиша и во драмско училиште“, изјави Луција во една прилика.
Во интервју за списанието „Глорија“, таа истакна дека нејзиниот татко, легендарниот Раде Шербеџија, е прекрасен дедо.
„Кога ќе дојде во Загреб, ги обиколува сите внуци, им носи подароци, ги храни. Неверојатен е. Тоа навистина го исполнува – вистински семеен човек. Не секој имал среќа да расте со такви родители.“
Фотографиите од внукот на Раде можете да ги поглендете ТУКА.
