Фолк-пејачката Вики Среброва отворено прозборе за коментарите кои ги добива на сметка на физичкиот изглед.
Во опуштена атмосфера, во емисијата „Нешто конкретно“ таа зборуваше за комплиментите кои редовно ги добива од својата публика, истакнувајќи дека нејзиниот сјај доаѓа токму од внатрешната енергија.
„Ми велат: ’Вики, ти си душичка, зрачиш со позитивна енергија‘. И тоа сум јас – искрена, отворена и без глума,“ сподели таа во разговорот.
На прашањата околу физичкиот изглед и коментарите за нејзината тежина, Среброва одговори во свој препознатлив стил – со огромна доза на самодоверба и ведрина. Таа порача дека се чувствува одлично во својата кожа.
„Ми велат: ‘Зошто си се здебелила?’Абе убаво ми е, здравје да се има, супер ми е!“, рече Вики и додаде дека не се оптоварува со туѓите забелешки за нејзините килограми.
