Лара Чолиќ, помладата ќерка на Здравко Чолиќ, повторно привлече внимание на социјалните мрежи – овојпат поради раскошен подарок.
Таа на својот инстаграм-профил сподели кратко видео во кое држи огромен букет рози во нежни розови и бели нијанси. Цветовите биле толку големи што едвај ги држела во рацете, што дополнително ја нагласи нивната импресивност.
Со насмевка која не ја тргаше од лицето, Лара јасно покажа колку ѝ значи овој гест, а објавата веднаш предизвика лавина реакции и коментари од следбениците.
Многумина се прашуваат кој стои зад овој романтичен подарок, па на социјалните мрежи веќе се шират претпоставки за можен таен обожавател.
Да потсетиме, семејството Чолиќ неодамна помина низ тежок период, откако на 3 февруари беше извршен напад врз нивниот дом. Во моментот на инцидентот, во куќата биле сопругата на Чолиќ, Александра, и ќерката Лара, кои доживеале голем шок.
По настанот, Лара била видно потресена, а извесно време поминала на прагот од семејниот дом обидувајќи се да се смири.
