Викторија Бекам (51) на шопинг во Њујорк во четвртокот се појави во лежерно, но елегантно издание. Поранешната „спајс грл“ и денешна модна креаторка носеше бела памучна маица во комбинација со сива миди сукња, црвени потпетици и препознатливите големи очила за сонце. Во рака носеше тиркизна „Биркин“ чанта.
Појавувањето доаѓа во период кога Нетфликс го најави новиот документарец посветен на нејзиниот живот и модна кариера, кој премиерно ќе биде прикажан на 9 октомври. Продукцијата е од креаторите на „Бекам“ и документарецот за Мишел Обама „Becoming“.
Серијата ќе понуди ексклузивен поглед зад сцената на модната и козметичката империја на Викторија, како и нејзиниот пат од членка на „Spice Girls“ до успешна дизајнерка. Во проектот ќе се појават и сите нејзини деца – Бруклин (26), Ромео (23) и Круз (20). И покрај наводните несогласувања, Викторија одлучи да ги задржи сцените со најстариот син Бруклин, меѓу кои и момент од Париската модна недела во септември 2024 година, кога тој ѝ помогна да се расчисти пистата по дождот.
Нејзиниот сопруг, фудбалската легенда Дејвид Бекам, кој веќе имаше огромен успех со документарецот „Бекам“, изјави дека било тешко да ја убеди Викторија да прифати ваков проект:
„Таа е неверојатно вредна и паметна жена. Луѓето заслужуваат да видат што сè вложува во својот бизнис,“ истакна Дејвид.
Документарецот ветува автентичен приказ на семејството Бекам и модната приказна на Викторија, со интимни моменти, но и со нагласок на нејзината професионална посветеност.
