Каролина Гочева раскажа за една случка од нејзиното неодамнешно патување во Јапонија која ја нарече шокантна.
Нашата музичка ѕвезда при крајот од минатата година беше во Токио со сопругот, уметникот Михаил Корубуин.
-Едно многу убаво и посебно искуство. Заминавме без некои очекувања. Мислам, имавме очекувања, но не знаевме точно што. Секој на свој начин ги доживува тие различни култури.
Но, искрено, воодушевена бев од со целата таа нивна култура, љубезност, чистота. Така што, дефинитивно место каде што пак би заминала. Многу е различно- рече Каролина во емисијата „Никогаш не е доцна“ во Белград каде што беше дел од жирито.
-Ние на Балканот генерално важиме за љубезен народ, особено кога странците се во прашање, но овде тоа беше на некое уште повисоко ниво. Значи, луѓето ви се поклонуваат кога ќе влезете во продавница што беше сосема шокантно за нас како странци.
А, чистотата е нешто е недостижно за жал на овие простори, никаде не сум видела толку да е чисто како што е таму-рече Каролина во видеото кое го објави „Гранд онлајн“.
