Актерот Лазар Ристовски (73) веќе подолго време е во врска со својата колешка Аница Лазиќ (34), а нивната љубовна приказна од самиот почеток го привлече вниманието на јавноста поради големата разлика во години.
Сепак, двајцата никогаш не дозволиле тоа да влијае врз нивниот однос, ниту, пак, да ги обесхрабри во јавното и приватното живеење на нивната врска.
Аница е исклучително активна на социјалните мрежи, каде често споделува моменти од секојдневието, но и заеднички фотографии со Лазар. Овојпат, таа објави видео од приватна прослава, на кое може да се види како целосно се препушта на атмосферата, танцувајќи и уживајќи во музиката.
За роденденската прослава, Аница избра краток црн фустан со гол грб и откриени рамена – издание во кое јавноста ретко има можност да ја види.
Во неодамнешно интервју, Аница отворено зборуваше за животот со 39 години постариот партнер, опишувајќи го како исклучително галантен и внимателен.
„Лазар е многу галантен и често ми вели дека сум прескромна. Тој е џентлмен не само кон мене, туку и генерално во животот. Тешко ми е да му изберам подарок, бидејќи не сака чанти, накит и слични работи. Сè што сум му купила, морало да биде со заедничко одење на шопинг – нешто што не му е омилено, но го прави“, раскажа таа.
Актерката зборуваше и за нивниот заеднички живот, признавајќи дека промената ѝ била голема, но пријатна.
„Пораснав во големо семејство, а сега сме сами тој и јас. Тој мир ми годи. Потребно ми беше време да се навикнам, но покрај Лазар ја засакав идејата за партнерски однос. Никогаш претходно не сум била опседната со брак, не сум бркала мажи – секогаш сум се фокусирала на себе, на животот и на работата“, искрено вели Аница.
