Северина на 7 и 8 ноември одржа два големи концерти во „Арена Загреб“. За време на настапот, на големиот екран се прикажуваа моменти од нејзината кариера и приватен живот, а додека ја изведуваше песната „Роѓено моје“, таа со публиката сподели досега невидени видеа и фотографии од својот син Александар.
„Поминавме тежок животен пат, но тој сега е со мене и израсна во прекрасен тинејџер“, рече пејачката пред изведбата на песната.
Потоа искрено додаде дека била „една од ретките мајки на светот која не смее да објавува фотографии од своето дете“.
„На крај добив дозвола од најважната личност – моето дете. Дозвола посилна од било кој закон или бирократ. Конечно повторно живееме среќно и убаво.
За жал, многу жени и понатаму остануваат заробени во маѓепсаниот круг на нечувствителниот и корумпиран систем – од социјалните служби до судовите. Без средства за бесконечни постапки, без надеж за правда. Често се оставени сами, исцрпени психички и финансиски. Единствено ги грее љубовта на нивните деца. И мене токму таа љубов ме одржа. Љубовта секогаш го победува злото“, напиша Северина.
View this post on Instagram
Познато е дека Северина со години водеше правна борба со поранешниот партнер Милан Поповиќ околу старателството над нивниот син.
Во 2018 година, судот донесе првостепена одлука според која Александар требаше половина време да живее со мајката, а половина со таткото.
Но, кон крајот на 2019 година, судијката Теа Голуб донесе привремена мерка според која детето преминува да живее со таткото, кој „самостојно се грижел за неговото здравје и образование“. На денот на пресудата, во ноември 2019 година, Северина морала веднаш да го предаде детето.
По долга, болна и исцрпувачка борба, Александар конечно беше вратен во нејзино старателство.
