Откако се породи новинарката Александра Јовановска, водителката на емисиите „Наш подиум“ и „Стисни плеј“ на МТВ, една важна личност беше задолжена за частење по повод раѓањето на синот.
Станува збор за пејачката и водителка Јана Бурческа, која работи заедно со Александра. Среќната мајка објавила фотографија од Јана како носи мекици за новороденчето и напишала: „Тетка Јана, доставувач на мекици“.
Инаку, Александра и нејзиниот партнер Ангел го добија синот Лука, а новинарката ова го објави на својот инстаграм-профил, а претходно, шармантната новинарка не објави јавно за својата бременост.
А, убавата вест, прва ја сподели токму нејзината колешка, пејачката и водителка Јана Бурческа.
Партнерот на Александра Ангел Здравковски е музички продуцент и диџеј на псај-транс музика со интернационална кариера.
– Заедно пораснавме, се градевме и приватно и професионално. 22 години се навистина значајна бројка, но ниту тој, ниту јас сме оптоварени со времето. Не го сметаме за товар, ни за голем успех. Живееме заедно,. Секоја љубов е приказна за себе – рече Александра во една прилика.
