Васко Тодоров искрено раскажа што сѐ работел кога на 50 години од Македонија се пресели во Австралија, но и за еден голем малер што му се случил кога стасал таму.
– Во Австралија отидов на 50 години. Работев сешто, во фабрики, во магацини – вели популарниот Тошо Малерот, култниот лик од „К-15“. Оваа негова изјава е објавена на инстаграм-страницата на „К-15“.
– А, прво стапнување таму крши нога. Васко открива уште доста во документарниот филм „К-15: Од другата страна. Режија и сценарио: Ико Каров Продукција: BDG Agency и Good Mood Media. Премиера: 5 декември, Македонски народен театар – пишува понатаму во оваа објава.
Во друга објава е подетално објаснето какви приказни ќе има во овој филм од Бубо Каров, Бранко Огњановски и Васко Тодоров.
– Другари, со гордост ви го претставуваме „К-15: Од другата страна“ – документарен филм со скриената приказна за најголемиот хумористичен феномен!
Искрени сведоштва, ретки архивски материјали и приказни од луѓе кои директно или индиректно биле дел од една посебна ера“.
– Одамна си забранив какво било планирање затоа што секогаш кога сум планирал нешто испаѓало обратно! Мислам дека во Македонија да испланираш нешто и тоа да се реализира, спаѓа во научна фантастика! Моето искуство е такво и на сите што ги знам, секоја чест на исклучоците – изјави Тодоров за „Точка“ додека живееше во Австралија.
