Пејачот Дарко Лазиќ објави досега невидена снимка од својот покоен брат Драган. Лазиќ не може да се помири со смртта на својот брат, кој почина на 11 март во тешка сообраќајна несреќа.
Дарко објави црно-бело видео на социјалната мрежа Инстаграм на кое неговиот брат Драган Лазиќ е среќен и насмеан.
„Сè уште чекам да се појавиш брате мој… Не можам и никогаш нема да прифатам дека те нема“, напиша фолкерот во описот, додавајќи два емотикони со скршено срце.
Да потсетиме, по смртта на својот брат, Дарко низ солзи рече:
– Изгубив голем дел од себе, сето ова ми беше тешко. Изгубив половина од себе, половина од мојот живот, половина од моето срце, мојот најмил, што не би му го посакал на никого – рече Лазиќ, кој неодамна го посети Хиландар каде што се помоли за својот брат да најде мир.
