Популарната македонска пејачка Антониа Гиговска повторно ја разбранува јавноста со нова приказна во која е и Благица Павловска.
Таа на својот профил на Инстаграм сподели фотографија заедно со легендарната Благица Павловска, со што веднаш ги разбуди шпекулациите кај публиката.
„СПРЕМНИИИИ????
Антониа Гиговска x Благица Павловска ft _________?
Пишувајте во коментар што мислите кој ќе биде вториот гостин во песнава?
П.С. со песнава ви го најавувам вториот албум и едвај чекам да ги чуете сите песни“, напиша Гиговска во описот на објавата.
Со оваа провокативна порака, младата ѕвезда го потврди својот втор студиски албум, кој според нејзините зборови веќе е во финална фаза. Фановите веднаш почнаа со претпоставки за мистериозниот трет изведувач, а коментарите се преплавени со имиња од домашната и регионалната сцена.
Оваа соработка со Павловска, која важи за една од најголемите фолк диви на македонската музика, ветува спој на различни генерации и стилови – комбинација која сè почесто носи огромен успех кај публиката.
