Руската манекенка која се прослави на насловната страница на „Vogue“ Лила Судакова (26), е обвинета дека го избодела сопругот до смрт по една љубоморна караница.
Имено, манекенката е обвинета дека го убила својот сопруг Сергеј Попов (28), откако во нивниот дом довел непозната девојка која ја запознал во барот и побарал од неа да им зготви вечера. Ако Лила биде осудена за убиство, може да добие 15 години.
Нејзината мајка Ирена Судакова (48) изјавила дека нејзината ќерка веќе подолго време била жртва на семејно насилство и дека сето тоа било во самоодбрана.
Манекенката се појави и на насловната страница „Vogue Russia“ и во магазини во Италија, Кина, Јапонија, а исто така рекламираше и познати брендови за облека во Русија.
Откако го избодела сопругот, таа веднаш повикала брза помош која го одвела, меѓутоа во болница им подлегнал на повредите.
Таа признала дека го избодела со нож својот сопруг со кого била четири години заедно и во првиот момент рекла дека тоа се случило поради љубомора, бидејќи тој флертувал со другата жена.
Мајката на осомничената додала дека пијаниот Попов довел во домот непозната девојка и од нејзината ќерка очекувал да им зготви вечера.
Тој ја фатил силно за коса и ја удрил во нозете, а тоа наводно можело да го потврди и очевидецот кој бил во куќата.
– Се тргнал од неа, но се вратил додека таа сецкала зеленчук за салата. Ја фатил за коса и додека таа се обидувала да се одбрани, случајно го погодила со ножот. Мојата ќерка се тресеше цела. Таа тука е жртва, ова било самоодбрана – рекла нејзината мајка.
