Додека Моника Белучи се подготвува да се врати во кината со новиот филм „Дијаболик“, кој веќе од следната недела ќе биде во светските кинослаи, нејзината ќерка Дева Касел ги освојува меѓународните модни писти, успешно пливајќи во светот на гламурот, токму по стапките на нејзината мајка. Во едно неодамнешно интервју, Белучи зборуваше за растењето на ќерките.
„Се чувствувам добро како жена, јас сум среќна мајка, ако децата се добро, вие сте среќни. Мило ми е што имам женски деца и бидејќи сум жена која ги сака и поддржува жените, имам убава врска со нив“, изјави Моника Белучи.
Таа додава дека нејзините ќерки „ја сакаат Италија, се враќаме што е можно поскоро, имам големо семејство таму, со моите родители, братучеди, чичковци…“, продолжи актерката.
„Многу ја сакам мојата работа, страста е најважна работа, таа ти дава сила да живееш, те тера да ставиш љубов во она што го работиш. Сега воопшто не сум млада и ми е убаво да ги гледам моите деца како летаат. Обврските за модата за Дева се појавија случајно за време на една од моите фотосесии и тоа е работа што ѝ се допаѓа. Сега таа дебитираше и на филмското платно “.
View this post on Instagram
Дева Касел всушност ќе биде во екипата на „Убаво лето“ (La bella estate), филм базиран на романот на Чезаре Павезе и во режија на Лаура Лучети.
„Дева и Леони, кои ги родив на 39 односно на 45 години и чие раѓање беше најубавиот момент во мојот живот, дојдоа како прекрасен подарок, и двете имаат љубов кон она што е уметничко, имаат многу силен уметнички сензибилитет и ова ми се допаѓа. многу“, заклучи Белучи.
