Пејачката Марија Шерифовиќ сподели еден од најемотивните моменти од својот концерт во Сава Центар во Белград. Таа на сцената запеа заедно со младиот Бакир, момче кое има Даунов синдром, истакнувајќи дека тоа за неа било огромна чест.
„Мојот Бакир. Постојат луѓе кои доаѓаат на овој свет за да нè потсетат што значи љубов. Онаа најчистата. Без страв. Без пресметки. Без маски. Бакир е еден од нив. Кога излезе на сцената и кога прегрнати почнавме да пееме, имав чувство како сè да застана – бучавата, светлата, илјадниците луѓе“, напиша таа.
View this post on Instagram
Пејачката додаде дека во тој момент останале само две срца и љубов што не може да се научи, туку едноставно се носи во себе.
„Гледав во очи кои се смеат на начин на кој ние, ‘нормалните’, одамна не умееме. Тогаш сфатив една голема вистина – не е тој поинаков. Ние сме. Ние сме тие што заборавиле како се сака без задршка, без срам и без страв. Бакир мој… ако постои момент од овие три концертни вечери што засекогаш ќе го чувам во срцето, тогаш тоа е овој. Кога и да посакаш, оваа сцена е и твоја“, порача таа.
По објавата, Марија Шерифовиќ доби бројни пофалби на социјалните мрежи. Многумина коментираа дека ваквите моменти потсетуваат колку искрената љубов и човечност сè уште постојат.
