Со убавиот поглед од својата тераса, се пофали водителот Ване Маркоски. Познато е дека од високите згради на комплексот „Џевахир“ се пресели на помирно место, во Сопиште и оттаму често објавува слики.
Токму една романтична слика од зајдисонце објави вчера, а потоа уште една, од студиото на Македонската радио телевизија со својата колешка уште пред седум наутро.
Водителот во една прилика раслажа лична приказна од детството за „Слободен печат“. Случка која можела да има кобен исход, и за среќа добро се завршила- сообраќајка која ја доживел како дете со неговоте родители, засекогаш му гпо променила животот. Токму по несреќата, Ване почнал да зборува без пречки.
-Еден ден, враќајќи се од Гостивар, се случила една доста интересна ситуација, која била пресудна да почнам нормално да зборувам. Се сеќавам дека во автомобилот бевме јас, татко ми и мајка ми, кога слушнавме силен удар од задниот дел на автомобилот. Во нас удри друг автомобил, за среќа без сериозни последици за сите луѓе во двата автомобили. Според кажувањата на мајка ми, веднаш штом сме излегле од возилото, јас видно исплашен и малку нервозен сум го погледнал татко ми и сум му се обратил- сподели водителот.
