Срспкиот фолк пејач Радиша Трајковиќ Ѓани е итно примен во болница и од вторникот е на лекување на Военомедицинската академија во Белград.
Ѓани Трајковиќ е примен на ВМА пред два дена, а лекарите му ги прават потребните тестови и анализи. За да бидат сигурни дека сè ќе направат како што треба, одлучиле пејачот да го задржат во болница.
– Точно така, Ѓани е хоспитализиран од вторникот. Лекарите одлучија да направат детални анализи и прегледи за да се осигурат дека сè е во ред. Тој е секогаш оптимист и полн со живот, па веруваме дека резултатите ќе бидат добри – кратко рекла неговата сопруга Слаѓа.
Пејачот чувствувал замор и слабост во последните неколку дена, поради што одлучил да побара медицинска помош. По првите прегледи, лекарите му предложиле да остане под надзор додека не се постави комплетна дијагноза.
