Излезе трејлерот за најочекуваниот Бетмен досега, и за само неколку часа собра скоро десет милиони прегледи на „Јутјуб“. Бетмен во новиот филм го игра Роберт Патинсон, а обожавателите едвај ја чекаат премиерата.
Во трејлерот, кој беше објавен вчера на јутјуб-каналот на „Warner Bros“, се прикажани неколку култни ликови кои ќе ги толкуваат актерите Зои Кравиц, Колин Фарел и многу други.
Објавата започнува кога полицијата апси маж во кафуле. Млекото во неговото кафе се претвора во знак прашалник, препознатливиот знак на непријателот на Бетмен. Подоцна на снимката, се слуша гласот на Патинсон што ја опишува ситуацијата во Готам Сити: „Ова е буре барут. Ридлер е тој“.
Премиерата е закажана за март следната година.
