Мане Ќурвија Каспер не ги крие емоциите кон својата партнерка Мина Костиќ, со која е речиси постојано откако пејачката заврши со болничкото лекување.
Мина во меѓувреме повторно му се врати на секојдневието и на музиката, а според она што Каспер го откри на социјалните мрежи, пред неа е нов период, како на приватен, така и на професионален план.
Пејачката подготвува нови песни, а една од нив, со наслов „Мој Белград“, особено емотивно го погодила нејзиниот партнер.
Каспер на профилот на Мина споделил видео од музичкото студио и открил дека начинот на кој таа ја снимала новата песна толку го погодил што неколкупати морал да ја напушти просторијата за да ги совлада емоциите.
„Музиката е животот на Мина. Во тоа се уверив во студиото. Неколкупати морав да излегувам од студиото затоа што ме совладуваа емоциите. Со толку многу емоции и љубов Мина влегува во секој дел од песната што тоа е неверојатно“, напишал Каспер.
„Ова е само почеток на новото поглавје“
Каспер открил дека песната „Мој Белград“, како и останатиот нов материјал на Мина, претставува многу повеќе од враќање на музичката сцена.
„Новата песна „Мој Белград“ и сите други нови песни не се само песни, туку почеток на едно ново поглавје во животот на Мина. Поглавје за кое знам и чувствувам дека ќе ја има сета ваша љубов и поддршка што ѝ е неопходна“, порачал тој.
Каспер допатувал во Србија откако Мина Костиќ била хоспитализирана во болницата „Лаза Лазаревиќ“. По нејзиното излегување од болница, двајцата речиси целото време го поминуваат заедно.
Каспер потоа објавил уште една емотивна порака посветена на пејачката, во која открил колку нивната врска влијаела врз него и врз неговиот поглед кон животот.
„Од Мина научив дека во животот немаш само една или две шанси, туку дека секој нов ден е нова шанса. Мина ми ги покажа сите мои слабости и сета моја сила за која не ни знаев дека ја поседувам. Мина ме научи и дека не сум целосен човек ако се срамам да заплачам кога ми е тешко. Мина ме научи секогаш прво да го слушам срцето, а дури потоа умот и логиката, бидејќи срцето и логиката не одат секогаш по ист пат“, напишал тој.
Каспер додал дека Мина го научила и што значи вистинската љубов.
„Мина ме научи дека љубовта никогаш нема два избора, туку само еден, а тоа е оданост до гроб. Зошто ви го раскажав ова? Затоа што таа ме излекува од сите мои глупави правила до кои се држев целиот живот“, порачал Каспер.
На крајот тој им упатил совет и на своите следбеници да ги чуваат луѓето кои им даваат љубов и поддршка.
„Секој од вас ја има својата Мина. Чувајте ги вашите Мини, затоа што така ќе се сочувате себеси од сè што надворешниот свет може да ви подметне. Чувајте ги и бидете му благодарни на животот што ги имате покрај себе, а тие секогаш ќе знаат да ви возвратат десеткратно. Секогаш и секојпат. Никогаш не сомневајте се во тоа“, заклучил тој.
Мина набрзо ја споделила и неговата емотивна објава на својот профил.
