Бети Дејвис, кумата на фанк музиката и поранешна сопруга на џез легендата Мајлс Дејвис, почина во средата од природна смрт на 77-годишна возраст, пишува „Rolling Stone“.
View this post on Instagram
„Со голема тага ја споделувам веста за смртта на Бети Дејвис, мултиталентирана инфлуенсерка и пионерска рок ѕвезда, пејачка, текстописец и модна икона“, изјави долгогодишната пријателка на Бети, Кони Портис.
View this post on Instagram
Речиси целиот музички опус на Дејвис е снимен помеѓу 1964 и 1975 година, но нејзиното влијание се чувствува со децении. По професија модел, Бети Дејвис најпрво почнала да прави музика под роденото име Бети Мaбри.
Како влијателна фигура на њујоршката музичка сцена во доцните 60-ти, таа ја напишала песната „Uptown (to Harlem)“ на Chambers Brothers.
Во 1968 година, Бети станала втора сопруга на Мајлс Дејвис и следната година ќе се појави на омотот од албумот на легендарниот музичар, „Filles de Kilimanjaro“. Иако бракот траел само една година, Бети е заслужна за проширување на музичките хоризонти на Мајлс во рок музиката од ерата.
View this post on Instagram
Бети Дејвис го издала својот деби албум „Betty Davis“ во 1973 година, брзо следеле уште два албума: „They Say I’m Different“ од 1974 година и „Nasty Gal“ од 1975 година.
Иако ниту еден од фанк-албумите не доживеал комерцијален успех, Дејвис се здобила со андерграунд следбеници за нејзините текстови преполни со сексуалност, истакнати во песните како „Shut Off the Light“ и „If I’m in Luck, I Might Get Picked Up“.
Нејзините искрени, ослободителни ставови го отворија патот за уметници како Принс и Мадона во следната деценија.
View this post on Instagram
По тој тригодишен наплив на материјал – и по една година помината во Јапонија со монаси во завек на молк Дејвис нагло ја напуштила музичката индустрија. Се преселила се во областа Питсбург каде што живеела следните 40 години без да прави нова музика.
