Пејачката Лепа Брена и нејзиниот сопруг, поранешниот тенисер Слободан Боба Живојиновиќ, слават 30 години брак.
По тој повод Брена се огласи на својот „Инстаграм“ профил каде сподели кратко видео направено од најубавите фотографии на заедничкиот живот, почнувајќи од нивната спектакуларна венчавка, која беше наречена „свадба на векот“.
„Заљубувањето е хормонална состојба и треба да се искористи до максимум. И љубовта никогаш не треба да се потроши. Треба да ги разликувате две работи, а ние тоа го научивме. Затоа и траеме толку долго”, напишала пејачката со видеото.
View this post on Instagram
„Кога го запознав Боба, ми се допадна неговата спонтаност и искреност и знаев дека нема многу време за губење исто како и јас, бидејќи тогаш нашите кариери беа во својот зенит. Си реков – сега или никогаш! Се сеќавам, се запознавме по премиерата од првиот дел од филмот „Hajde da se volimo“ во Домот на синдикатите. Нè претстави Рака Ѓокиќ. Се сеќавам дека давав интервју за „„Ilustrovanа politikа“ и дека Рака ме затвори во канцеларија со новинарката за да можеме нормално да разговараме. Во одреден момент Рака влезе со Боба и нè запозна“, рече еднаш Брена за нејзината љубовна врска со Живојиновиќ.
