Бугарската евровизиска победничка Дара ја покажа нејзината поврзаност со Цеца Ражнатовиќ, пред победата во Виена.
Бугарија слави историски успех на Евросонг. Младата и Дара успеа да го покори европскиот музички крем и да ја донесе победата дома. Но, веднаш по слегнувањето на златните конфети од грандиозната сцена, евровизиската победничка покажа едно сосема поинакво, опуштено лице кое ја воодушеви екс-ју јавноста.
Во задкулисните видеа и неформалните дружења пред големото финале, Дара покажа дека одлично ги познава песните на Цеца На прашањето дали слуша српска музика, таа со насмевка призна дека ужива во балканскиот ритам, па дури и „запеа“ дел од репертоарот на фолк-ѕвездата Светлана Цеца Ражнатовиќ. Сепак, кога станува збор за нејзината татковина, Дара рече: „Најпознатата песна во Бугарија е ‘Кукавица’!“, по што веднаш ја запеа оваа песна.
За оние кои помалку ја следат регионалната сцена, успехот на Дара (Дарина Јотова) не е случајност. Таа е добро познато име на Балканот уште од нејзиното учество во шоуто „X Factor Bulgaria“, каде што како тинејџерка заврши на третото место, но веднаш се наметна како иден „мега-брендинг“ на бугарската поп-сцена.
Низ годините, Дара изгради статус на поп-икона со специфичен стајлинг, енергични настапи и хитови кои бројат милионски прегледи.
Нејзиниот настап на Евровизија беше опишан како „експлозија од енергија, визуелно совршенство и беспрекорен вокал“. Дара успеа да ги придобие гласовите и на стручното жири и на милионската публика пред малите екрани, носејќи ѝ ја на Бугарија долгоочекуваната победа.
