Само два дена пред ненадејната смрт, ќерката на легендарниот Елвис Присли, Лиза Мари Присли (54) беше на доделувањето на наградите Златен глобус и се расплака додека Остин Батлер, актерот кој го играше нејзиниот татко во филмот „Елвис“, одржа говор.
Батлер го доби Златниот глобус за најдобар актер, а за време на својот говор особено им се заблагодари на Лиза Мари и нејзината мајка Присила Присли, бидејќи одблиску му помогнале да ја развие улогата во филмот, и така успеал што подобро да го „одигра“ Елвис.
Congratulations to our Golden Globe winner for Best Actor – Motion Picture – Drama, @austinbutler! 🏆 #GoldenGlobes pic.twitter.com/3J0s10IeXs
— Golden Globe Awards (@goldenglobes) January 11, 2023
– Сакам да им се заблагодарам на нашите неверојатни продуценти, на „Ворнер Брос“ и на семејството Присли, ви благодарам што ги отворивте вашите срца и вашиот дом и што ги споделивте вашите спомени со нас. Лиза Мари и Присила, ве сакам засекогаш – рече Батлер и ја расплака Лиза Мари.
Единствената ќерка на легендата Елвис Присли почина во четвртокот откако итно беше пренесена во болница во Лос Анџелес поради срцев удар.
