Поп-ѕвездата настапи во Чертоза ди Сан Џакомо во Капри на приватен хуманитарен концерт организиран од Луиза Виа Рома за Уницеф.
Триесет и пет минути чиста енергија. Така Џенифер Лопез излезе на сцената во Чертоза ди Сан Џакомо на Капри и ја натера целата публика да танцува (околу илјада луѓе). Приватен хуманитарен настан организиран од Луиза Виа Рома за Уницеф, со цел да се поддржат проекти за деца кои живеат во ранливи услови во светот, како што веќе се случи со изминатите изданија на организираните концерти.
Џеј Ло пристигна на Капри пред неколку дена за да го подготви шоуто до сите детали, вклучувајќи изведби и фустани создадени за таа прилика од Фаусто Пуљиси за Роберто Кавали, а модифицирани помеѓу Неапол и островот.
View this post on Instagram
Настанот донесе неколку меѓународни ѕвезди во Капри од Џаред Лето до Леонардо ди Каприо (во тотално црно со црна капа), од Џејми Фокс до Спајк Ли, од Венес Хаџенс до Софија Карсон. Оние кои очекуваа да го видат Бен Афлек зад сцената беа разочарани: актерот всушност се врати во Лос Анџелес за работни обврски.
Но, Џеј Ло се врати на сцената со набојот кој отсекогаш ја издвојуваше, изведувајќи дузина хитови како «If you had my love», «Waiting for tonight», «Dance again» и «Get on the floor“.
Среќниците кои беа присутни имаа незаборавна вечер, а еве дел од атмосферата.
View this post on Instagram
