Девојката по име Ариона на својот тикток-профил објави видео од празничната атмосфера во нејзиниот дом, прикажувајќи ја дневната соба преполна со божиќни подароци.
Видеото досега има повеќе од 892,600 прегледи, а истото предизвика и бројни коментари.
Многу луѓе ѝ коментирааат дека претерала со подароците. Многумина ѝ порачаа дека суштината на Божик е да се биде со семејството, а не да се троши купишта пари на подароци.
„Се прашувам дали го знаеш вистинското значење на овие празници…“, „Фокусот на Божик не треба да биде на подароците, туку на семејството и дружењето“, „Не е важно што има под дрвото, туку со кого седите на маса“, се само дел од коментарите под објавеното видео.
@yallknwmynameThat’s a lot ##santa
„Некои луѓе не можат да си го дозволат ова. Поважно е со кого ќе ги поминете празниците“, „Нема ништо полошо од материјализам. Сите и онака ќе заборават на овие подароци“, „Потребна е љубов, а не пари и подароци“, „Кому му треба толку многу подароци“, додадоа други.
„Ова е премногу, дедо Мраз“, напиша таа во описот на видеото, но, наместо воодушевување таа предизвика лавина негативни коментари.
Сепак, имаше и такви кои застанаа во одбрана на девојката велејќи дека тоа се нејзини пари и со истите може да прави што сака. Веројатно најважно е таа и нејзиното семејство да се среќни.
7 БОЖИЌНИ ТРАДИЦИИ НИЗ СВЕТОТ: Пред спиење, децата врзуваат за палецот долга врвка…
