Видео од Данијела Мартиновиќ во невидено и необично издание е објавено неодамна, а хрватска пејачка никој не може да ја познае.
Имено, таа во далечната 1989 година настапила на фестивалот „Макфест“ кој ја објави снимката од Данијела како пее на македонски јазик и изгледа многу различно од денес. „Даниела Мартиновиќ – ‘Морам да те најдам’ (Макфест 1989)“, пишува во објавата до видеото.
Изминатово лето, Данијела Мартиновиќ уште еднаш покажа колку ужива во едноставните работи. Наместо луксузен одмор, таа одлучи да преноќи под шатор на плажа.
– Повторно во хотел со илјада ѕвездички – напиша пејачката на Инстаграм покрај фотографиите од одморот. Претходно, таа кажа колку ги сака ваквите моменти, а во друштво на нејзиниот партнер, поранешниот крим-инспектор Јосип Плавиќ, тие стануваат уште попосебни.
Данијела и Јосип се во врска повеќе од две години. Се запознале во пролетта 2022 година во полициска станица, каде што пејачката дошла да поднесе пријава поради лажни страници што го користеле нејзиното име. Тој тогаш работел како криминалистички инспектор, а нивната средба набрзо прераснала во љубов, објави „Слободен печат“.
