Ерика Добек стана популарна на социјалната мрежа „ТикТок“ споделувајќи детали за нејзината исхрана.
22-годишната девојка пред неколку години станала веган, а сега повторно се враќа на месото, но не во формата на која сме навикнати. Имено, таа тврди дека јаде сурово месо и органи од животни.
Ерика ги откри сите предности и недостатоци што ѝ ги носи веганизмот. Таа тврди дека по една година исклучиво веганска исхрана, почнала да добива цистични акни, а нејзиниот менструален период, како што тврди, престанал. Кога дерматолог ѝ рекол дека некои производи од животинско потекло треба да бидат вклучени во нејзината исхрана поради недостаток на цинк, таа почнала да ја истражува практиката на јадење сурово месо и органи.
@ericaeatsorgans First timer #groundbeef with #liver #proceedwithcaution
Ерика објаснува дека се уште јаде „нормална храна“ и дека јаде делови од сурово месо со големина на дланка. Девојката, исто така, вели дека јадењето сурово месо ѝ дава чувство на „еуфорија“.
Нејзините објави предизвикаа бројни реакции на социјалните мрежи, меѓу кои преовладуваат оние кои се зачудени од нејзиниот избор.
„Реакциите се дефинитивно измешани. Некои ми се восхитуваат, додека други мислат дека е одвратно и се прашуваат дали сум ментално стабилна. Разбирам зошто многумина сметаат дека е одвратно и зошто се збунети, едноставно е неконвенционално и различно па затоа гнасните реакции не ги сфаќам премногу лично“, додава таа.
