Весна Бејби Петрушевска со својата ќерка Мина си замина од Македонија, и рече дека е во еден убав град.
Актерката не откри каде отишла, но според сликите е на убаво место со ќерка си, и со своите миленици. Весна претходно на стори на Инстаграм сподели дека возела 460 километри а на рамо цело време ѝ биле милениците. „Љубов најголема“, напиша таа кусо за својата ќерка.
-Како вчера да беше кога тоа мало муце со две долни запчиња и со едно опавче на сред глава плачеше наоколу при нашата прва средба. Малечка, кревка, дури четири килограми на 9 месеци.
Мина одамна е херојот на мојот живот, таа нејзина отвореност, искреност и чесност ме зграпчува. Мина се радува на најмали нешта, на пладневно гушкање, на нагалено Минувче, на луѓето се радува.
Во ниту еден момент не ја напушта нејзината верба кон луѓето. Мина има срце како планина и душа како памук“, рече во една прилика Весна за Мина.
Мина лани во ноември поминала 15 дена на апарати во болница во Дубаи каде што работеше, откако изгубила свест и ѝ дијагностицирале белодробна емоболија или белодробен инфаркт. Петрушевска рече дека 15 дена ќерка ѝ била ни на небо ни на земја.
