Членовите на бендот „Парни ваљак“ ја споделија со публиката веста дека ќе се качат на сцената и ќе одржат голем концерт насловен „Ваљак и пријателите: За нашиот Аки“.
Концертот е предвиден да се случи во Арена Загреб, на 26 март 2022 година, преку ноти и стихови да се прослави музичарот за кого музиката беше живот. На концертот ќе земат учество и повеќе други музичари, пријатели на бендот и на Аки.
Со најавата на овој концерт, бендот известува и дека сите останати концерти кои претходно биле најавени во склопот на Парни Ваљак 2022 турнејата, се откажуваат.
Во спомен на Аки, Парни Ваљак и Кроација Рекордс минатата недела ја започнаа и иницијативата со која над 150 радио станици во регионот го емитуваа синглот „Поново“, последната снимена песна на Аки, точно за време на неговото испраќање на загребачките гробишта Мирогој.
